Mirèio :

Cante uno chato de Prouvènço. Dins lis amour de sa jouvènço, a travès de la Crau, vers la mar, dins li bla, Umble escoulan déu grand Oumèro, Iéu la vole segui. Coume èro Rèn qu'uno chato de la terro, en foro de la Crau se n'es gaire parla. Emai soun front noun lusiguèsse que de jouinesso ; emai n'aguèsse Ni diadème d'or ni mantèu de Damas, vole qu'en glòri fugue aussado coume uno rèino, e caressado pèr nosto lengo mespresado, car cantan que pèr vautre, o pastre e gènt di mas ! ... Frédéric MISTRAL